LOCAL WEATHER

6, ఏప్రిల్ 2012, శుక్రవారం

ఎఫ్.ఎం రేడియోలు "పెద్దలకు మాత్రమే"!!!

ఇదేమిటి దృశ్య ప్రధానమైన వాటికి కదా హెచ్చరిక....కావచ్చును, కాసేపు మన "టెల్గు ఎఫ్.ఎం" లలో ఆడా మగా సంభాషణలు వింటే ఇవి అసలు ఇళ్ళలో వినతగ్గ భాషేనా అని అనిపించక మానదు. ఇంట్లో పిల్లలతో కూర్చుని వినాలంటేనే ఇబ్బందికరంగా ఉన్నాయి.



ఒక ఎఫ్.ఎం లో తెలుగు తారల మీద జోకులు పరమ వెకిలిగా గొంతులు పెట్టి ఆడ మగా చేసే వీరాంగం ఇళ్ళలో కన్నా ఎదైనా "క్లబ్బుల్లోని పెద్దమనుషులు" ఆత్మానందం పొందేటట్లు వున్నాయి.....చివర్లో "అబ్బో నాకు సిగ్గూ...." అంటూ సిగ్గు లేకుండా ఏది పడితే అది మాట్లాడే ఆడవారు. అన్నౌన్సర్లు వారికి వారే జాకీలని పేరెట్టేసుకొన్నారు. మరొక ఎఫ్.ఎం లో అయితే రోడ్డు మీద ఆడవారి మీద....బ్రోకర్ల లాగా మాట్లాడుకొనే జోకర్లు. ఇదీ పరిస్తితి. మరొక దరిద్ర ఎఫ్.ఎం లో "లవ్ గురు"ట; వీడు, లవర్లు పెద్దలకి ఎలా మస్కా కొట్టాలో నేర్పుపుతాడుట......అదీ అర్ధరాత్రి వొచ్చే ఒక దిక్కుమాలిన ప్రోగ్రాం. ఇవి కాకపోతే సినిమా వాళ్ళ సంబంధాల గురించి........

ఈ ఎఫ్.ఎం ల కన్నా టీవీలే మెరుగనిపించేట్లుగా ఉన్నాయి. ఎందుకంటే, సెన్సారు అయిన సినిమాలోని సంభాషణలను సైతం కొన్నిటిని "
మ్యూట్
" చేస్తున్నారు. సరే, టివీలకి, సినిమాలకీ ఏదొక నియంత్రణ అంటూ వున్నది.

"ప్రతీ దానికీ నియంత్రణ ఉండాలా...?" అని ఒకప్పుడు వాక్ స్వాతంత్రవాదులు అనుకునే స్వాతంత్రాన్ని దుర్వినియోగ పరిచేవిధంగా మన ఎఫ్.ఎం లు ఉన్నాయి. ఎదో పాటలు చక్కటి క్లారిటీతో వస్తాయి కదా అని ఈ దిక్కుమాలిని ఎఫ్.ఎం లు పెడుతుంటే....పాటల మధ్య వచ్చే వీరి వాగుడుని నియంత్రించలేక రేడియోనే తీసేయ్యాల్సి వస్తోంది.


ఇప్పటి దాకా రేడియోలకి సెన్సార్ అనేది అవసరం అని అనిపించకుండా అవి నడిచినాయి. కానీ, ఇవ్వాళ వచ్చిన ఎండు మెరపకాయలు ఎఫ్.ఎంలు, ఎర్ర ఏరియా ఎఫ్.ఎంలు లాంటి రకరకాలైన ఎఫ్.ఎంల మధ్య పోటీ వలన అశ్లీల సంభాషణలతో జనాన్ని ఆకట్టుకోవాలని చూస్తున్నాయి. రేడియోలకి గల పరువు మర్యాదలను అశ్లీల పోటీ బురదలో కలుపుతూ అనారోగ్య ప్రసారాలను చేస్తున్నాయి.

జనాన్ని ఆకట్టుకోవాలంటే ఇలాంటి దిక్కుమాలిన సంభాషణలే అక్కర్లేదు; ఇదివరకు గవర్నమెంటు రేడియోలో ఆదివారం మధ్యహ్నం పూట ఒక నాటకం వస్తుంటే రోడ్లన్నీ నిర్మానుష్యం అయ్యేవి. ఇదివరకు అంటె అదేదో పూర్వకాలం అని తోసిపుచ్చేరు...., ఎప్పుడైనా ప్రేక్షక ప్రజలది మంచి టేస్టే అన్న సంగతి వారు తెలుసుకోవాలి. మిస్సమ్మ, మాయా బజార్ మొదలైన సినిమాలు ఎప్పుడొచ్చినా ఆడతాయేగాని....అశ్లీల సినిమాలు 100 రోజులు ఆడినట్లు మన తెలుగునాట ఒక్క రికార్డు లేదు.

ఏది ఏమైనప్పటికీ, ఈ ఎఫ్.ఎంల బారిన పడి మన పిల్లల భాష మారకుండా చేసుకోవటమే ఇప్పటికీ మనం చెయ్యగలిగింది.

ఇందులోని బొమ్మలు గూగుల్ ఇమేజ్ వారివే

6 కామెంట్‌లు:

  1. Well Said.

    I never realised that FM radios are stooping to such level! For every thing, the root cause is the most unproductive of all services ie. Advertising. This Advertising has reached a level of mafia and polluted the entire media, print and electronic alike.

    Ultimately, with their criminal obsession of earning money somehow, this ad-mafia shall ensure that Government steps in and put a gag on all media thereby Government gets a free license to silence the modes of free expression and when it happens, general public may not object as they are subjected to the onslaught of the present dangerous advertisement levels which acquired the notoriety of 'POLLUTION'.

    రిప్లయితొలగించండి
    రిప్లయిలు
    1. శివాగారు ప్రతిస్పందించిన్నందుకు మికు ధన్యవాదాలు. అవును మీరు చెప్పినట్లే ప్రతీదానిలో డబ్భు సంపాదనే ధ్యేయంగా మారిన మాఫియా తయారైంది. రాజకీయాలను కూడా ఆక్రమించారు. చివరకు ప్రజలకి వినోదాన్ని అందిచే వీటిని కూడా వదిలి పెట్టటంలేదు.

      తొలగించండి
    2. నలుగురిలొ కూర్చొని FM వినాలంటెనే చాలా ఇబ్బందిగ వుంటుంది. ఏంటో ఇప్పటికి అలాంటి మార్పు రాని వివిధభారతి కార్యక్రమాలు బావుంటాయి.

      తొలగించండి
  2. Chinni గారు ధన్యవాదాలు. అవునండీ.....వివిద్ భారతిలాగా ఇప్పటి ఎఫ్.ఎం.చానళ్ళు ఎప్పటికీ ప్రొగ్రాంస్‌ని తయారు చెయ్యలేవు.

    రిప్లయితొలగించండి
  3. radha krishna garu plz write a blog on "how to create a blog with nice design like your blog and how to post our articles in blog...

    రిప్లయితొలగించండి
  4. Ramakrishna reddy గారు తప్పకుండా వ్రాస్తాను...మీకు నా బ్లాగు నచ్చినందుకు ధన్యవాదాలు. బ్లాగ్ తయారు చెయ్యటం ఎలా అనేది మీ కొసం ..... ముందరగా మీరు గూగుల్ అక్కౌంటును కలిగి ఉండాలి........ మెయిల్ లాగిన్ అవగానే పైన SEARCH ..... IMAGES ... CALENDER...MORE ఉంటాయి. అందులొ MORE అనేదానిని క్లిక్ చెస్తే దానిలో BLOGGER అని వస్తుంది.... దానిని క్లిక్ చెసిన తరవాత ఏమి చెయ్యాలో అక్కడే ఉంటుంది. గూగుల్ మెయిల్ ఎలా CREATE చేస్తామో అదే విధంగా పూర్తి చెయ్యాలి. బ్లాగ్ తయారవుతుంది. డిజైన్స్ కూడా అక్కడే ఇవ్వబడతాయి. ఇక తెలుగులో వ్రాయటానికి అనేకం ఉన్నాయి కాని, http://lekhini.org/ అయితే బాగుంటుంది.

    రిప్లయితొలగించండి